Un total de 107 pacientes con covid-19 está ingresados este martes nos hospitais da área sanitaria de Pontevedra e O Salnés. A cifra, que supón superar os 100 ingresados, chega tras unha xornada especialmente complicada na que se rexistraron 13 ingresos.
Así, o último balance oficial do Sergas, realizado con datos das seis da tarde do luns, sinala que hai un paciente máis na unidade de Coidados Críticos do Hospital Montecelo e 12 máis en planta de hospitalización convencional.
En total, hai seis pacientes en UCI e 101 en planta de hospitalización. En planta hai 84 no Complexo Hospitalario Universitario de Pontevedra, 2 no Hospital QuirónSalud Miguel Domínguez e 15 no Hospital do Salnés.
Este martes hai 4.063 casos activos de covid-19 na área sanitaria, 257 menos que o día anterior, a pesar de que se detectaron 224 novos positivos nunha xornada. Débese a que recibiron o alta 481 pacientes.
Ademais dos 107 pacientes hospitalizados, hai 3.956 casos sen síntomas ou con síntoma leves en corentena no seu domicilio.
Desde o inicio da pandemia curáronse 50.866 pacientes e faleceron 252 pacientes na área sanitaria.
Desde o inicio da pandemia realizáronse 395.939 probas PCR, 374 na última xornada. Ademais, realizáronse 225.370 probas de antíxenos, 483 na última xornada; e 122.102 test doutra natureza, 186 nas últimas 24 horas.