O Concello de Poio presentou este martes 29 o calendario de magostos previstos no municipio ata mediados de novembro.
A programación inclúe once celebracións nas que se repartirán preto de 1.000 quilogramos de castañas asadas.
O alcalde, Ángel Moldes, e a concelleira de Cultura e Educación, Natalia Sabarís, acompañados por representantes das entidades organizadoras, destacaron a importancia destas celebracións tradicionais, que este ano contan por primeira vez cunha liña específica de axudas municipais.
As celebracións comezan este sábado, 2 de novembro, con dous magostos simultáneos.
Calendario de magostos en Poio 2024
Sábado, 2 de novembro
- Campelo (Praza da Granxa) | 20:00 h | Organiza: Asociación de Veciños de Campelo
- Combarro (Praza de San Roque) | 18:00 h | Organiza: Ateneo Corredoira
Domingo, 3 de novembro
- Lourido (Parque Costa Xiráldez) | 18:00 h | Organiza: AVCD Lourido
Venres, 8 de novembro
- Magosto da Casa Rosada | Organiza: Concello de Poio (Benestar Social)
Sábado, 9 de novembro
- Raxó (Centro Cultural Xaime Illa) | 20:00 h | Organiza: Comisión de Festas de Raxó
- O Sartal (Espazo Municipal) | 19:00 h | Organiza: ACV Ronsel
Domingo, 10 de novembro
- San Martiño (Praza da Capela) | 20:00 h | Organiza: AC Gaiteiro Manuel Villanueva
- Samieira (Comunidade de Montes Río Bois) | 18:00 h | Organiza: SCD Samieira
Sábado, 16 de novembro
- San Salvador | 20:00 h | Organiza: AC Divino Salvador
- Vilariño | 20:00 h | Organiza: Veciños do lugar
- A Seca | 20:00 h | Organiza: AAVV Boureante
