O xerente do Complexo Hospitalario Universitario de Pontevedra (CHOP), José Manuel González, cualificou de "parche" a ampliación do Hospital de Montecelo que reclamará a Plataforma SOS Sanidade Pública nunha manifestación convocada para o venres día 13 en Pontevedra e que conta co apoio da Deputación e os concellos de Pontevedra, Poio, Ponte Caldelas, Sanxenxo, Vilaboa ou Barro, entre outros.
"Que nadie se olvide de que Montecelo se inauguró en el año 1974", sinalou o xerente tras lembrar que "estamos pidiendo un hospital para los próximos 40 o 50 años y Montecelo no es ese hospital".
O xerente do CHOP apuntou como referencia o hospital Alvaro Cunqueiro de Vigo que describiu como "magnífico desde el punto de vista de instalaciones y de estructura física", e engadiu que a súa construción empezouse a expor "cuando el otro hospital cumplió 50 años".
Finalmente, José Manuel González sinalou que a ampliación do Hospital Montecelo custaría "bastante más de 120 millones de euros para, desde mi punto de vista, hacer un parche" e convidou a "dar un paseo" para coñecer "el laberinto que es Montecelo", despois de ir sumándolle áreas e estruturas novas "y eso siempre dificulta la circulación y la conexión de servicios entre ellos".
HOSPITAL PROVINCIAL
José Manuel González garantiu a calidade asistencial do Hospital Provincial rexeitando as denuncias públicas feitas pola Plataforma SOS Sanidade Pública que sinalou numerosas deficiencias neste edificio entre as que destacaron a presenza de roedores e insectos no recinto nos desaugadoiros de pluviais e na rede de sumidoiros.
O xerente do CHOP asegurou que "si el hospital no reuniera las condiciones mínimas higiénico-sanitarias no prestaría esa asistencia".
José Manuel González admitiu que o Provincial "es mejorable en sus condiciones de habitabilidad o hoteleras", e citou a crítica "recurrente" pola falta dun sistema de aire acondicionado que xera moitas queixas durante o verán entre os pacientes e os traballadores polas altas temperaturas que se rexistran.
"Es una de las quejas más importantes que nosotros asumimos", dixo José Manuel González antes de recoñecer que as "condiciones estructurales" do edificio fai "muy difícil" dotar ao inmoble de aire acondicionado.
Con todo, o xerente reiterou que "en cuanto a la asistencia sanitaria" o hospital "reúne las condiciones, aunque obviamente con todas las deficiencias que puede tener un edificio con los años que tiene este".
O xerente do CHOP indicou que se están acometendo reformas para mellorar a súa "capacidad hotelera" e sinalou que as "condiciones higiénicas se pueden ver perfectamente", subliñando que a limpeza, as condicións de comida, os traballos de desinsectación e desratización, "se acometen según lo establecido".