Actuar con 'sentidiño', que os piquetes informativos non se lle vaian das mans e que non se produzan incidentes entre os que queiran exercer o seu dereito ao traballo e quiene opten polo seu dereito á folga.
Estas foron as peticións do subdelegado do Goberno en Pontevedra, Antonio Coello, aos representantes de CC OO, UGT e CIG, sindicatos convocantes da folga xeral do 14 de novembro na bisbarra de Pontevedra.
Ramón Vidal (UGT), José Luis García Pedrosa (CC OO) e Rafael Iglesias (CIG) reuníronse por separado con Coello entre as 8.30 e as 10.00 horas. O subdelegado convocounos de forma individualizada convencido de que fixeran unha convocatoria diferenciada para o día da folga xeral, pero pediu o mesmo aos tres.
Ao termo das reunións, os sindicalistas explicaron que o principal obxectivo da reunión foi que Antonio Coello quería pedirlles mesura, que dende as secretarías comarcais se trasladase a todos os sindicalistas, afiliados e manifestantes que actuasen de forma cívica o día do paro. En especial, que coas súas accións respectasen o dereito ao traballo aos que non secunden a folga xeral convocada a nivel estata e en varios países da Unión Europea.
Pola súa banda, o representante do Goberno na provincia comprometeuse ante eles a que el "intentará velar pola seguridade dos que queiran traballar e dos que queiran manifestarse".