A estabilidade mantense no sector da construción na provincia de Pontevedra, pero a conxuntura podería mellorarse se se consegue liquidar a principal carencia: man de obra.Este pode ser o resumo da situación da primeira metade deste 2024 e que replica o detectado nos exercicios máis recentes polo Colexio Oficial da Arquitectura Técnica de Pontevedra.
“O principal escollo segue sendo a falta de man de obra” sinala Manuel Rañó, presidente do Colexio Oficial da Arquitectura Técnica de Pontevedra e presidente do Consello Galego da Arquitectura Técnica desde este mes de xullo.
O déficit persiste tanto nas escalas máis básicas, por exemplo peóns, como "traballadores especializados en oficios estratéxicos", isto é, titulados en Arquitectura Técnica que se requiren para dirixir os proxectos de construción. Estes baleiros repercuten nunha subida dos orzamentos inmobiliarios e igualmente na retardación do sector.
Nesta tesitura, Rañó estima que habería que intervir na formación de futuros traballadores de maneira que se poña en marcha un plan de choque a través da Formación Profesional. “Necesitamos unha planificación que incentive a incorporación de mozas e permita formalos", estima; así como seguir incentivando "a presenza da muller no sector da construción". E para o anterior apela á implicación das administracións.
Outra circunstancia que persiste é o número maior de expedientes de rehabilitación que de obra nova. Durante esta primeira metade de 2024 na provincia de Pontevedra supón un 69% fronte ao 31% de obra nova. Se se compara co mesmo período en 2023, as porcentaxes son da 67,5% fronte ao 32,5%. A tendencia é semellante en Galicia.
Ademais, mirando cara ao futuro, seguen confiando na rehabilitación como motor do sector. Esta confianza ratifícase na normativa e concretamente na nova directiva europea de Eficiencia Enerxética de Edificios, que "será máis esixente e implicará a incorporación de enerxía renovable nos edificios edificados para o ano 2050”.