Os veciños que queiran organizar unha fogueira para celebrar a festividade de San Xoán durante a noite do 23 de xuño no municipio de Pontevedra deberán presentar unha solicitude antes do 16 deste mes ás 13.00 horas no rexistro xeral do Concello facendo constar os datos das persoas que organizan o evento.
O Concello lembra que as fogueiras terán que distanciarse un mínimo de 15 metros dos edificios e das árbores. O diámetro máximo de zona de combustión da cacharela será de 4 metros de ancho cunha altura máxima de dous metros. Nunha área de diámetro similar ao pau central da fogueira non poderán concentrarse os asistentes á festa.
Os materiais que se utilizarán na combustión serán leña, ramas, troncos de árbores e vellos materiais de madeira de calquera tipo. Se prohibe o uso de pneumáticos, plásticos, latas, botellas, materiais con P.V.C. e similares. Tampouco se poderán botar aerosois, aceites ou líquidos combustibles ou calquera sustancia explosiva.
Se prohibe tamén a realización de fogueiras sobre vías públicas pavimentadas, xardíns ou zonas verdes en xeral. A organización terá que acatar as normas ou instrucións que poidan ditar os axentes dos corpos da Policía Local ou dos Bombeiros.