O número de persoas sen emprego rexistradas nas oficinas do Servizo Público de Emprego reduciuse durante o mes de maio en 162 persoas no concello de Pontevedra.
Desta forma, o volume total de parados alcanzou a finais de maio no municipio a cifra de 6.493 desempregados.
| Abril | Maio | Variación | |
| Pontevedra | 6.655 | 6.493 | -162 |
| Barro | 337 | 309 | -28 |
| Bueu | 922 | 919 | -3 |
| Caldas de Reis | 870 | 837 | -33 |
| Cambados | 1.208 | 1.219 | -11 |
| Campo Lameiro | 152 | 156 | +4 |
| Cerdedo-Cotobade | 448 | 447 | -1 |
| Cuntis | 384 | 369 | -15 |
| O Grove | 910 | 893 | -17 |
| A Illa de Arousa | 366 | 353 | -13 |
| A Lama | 205 | 195 | -10 |
| Marín | 1.910 | 1.803 | -107 |
| Meaño | 430 | 423 | -7 |
| Meis | 389 | 384 | -5 |
| Moraña | 421 | 415 | -6 |
| Poio | 1.242 | 1.216 | -26 |
| Ponte Caldelas | 597 | 577 | -20 |
| Portas | 238 | 225 | -13 |
| Ribadumia | 379 | 372 | -7 |
| Sanxenxo | 1.211 | 1.184 | -27 |
| Vilaboa | 489 | 465 | -24 |
| Vilagarcía de Arousa | 3.960 | 3.895 | -65 |
| Vilanova de Arousa | 920 | 911 | -9 |
O número de desempregados rexistrados nas oficinas do Sercio Público de Emprego reduciuse durante o mes de maio en 2.039 persoas na provincia de Pontevedra.
Esta cifra, segundo os datos publicados este martes polo Ministerio de Emprego e Seguridade Social, supón un descenso do 2,51% con respecto ao mes anterior deixando a cifra de parados en Pontevedra nos 79.346.
Nos datos acumulados o descenso é máis pronunciado, xa que con respecto ao mesmo mes do ano 2016 a redución é do 9,48%, ou o que é o mesmo, de 8.310 persoas.
No que respecta a Galicia, o paro baixou en 4.991 persoas durante o mes de maio para situarse nunha cifra total en toda a comunidade de 199.638 desempelados.
Como nota negativa segue situándose o alto índice de contratación temporal, xa que dos 87.595 contratos asinados durante o último mes en Galicia só 6.740 foron indefinidos, 535 máis que os rubricados en abril.