A Xunta destinará o material extraído das escavacións do Hospital Gran Montecelo, en Pontevedra, ao recheo dunha canteira na Ermida.
A Consellería de Infraestruturas e Mobilidade fixo coincidir os traballos de escavación coa recuperación de terreos dunha canteira próxima que quedara en desuso.
De modo máis detallado, uns 225.000 metros cúbicos de volume de terras e pedras limpas serán aproveitados para o recheo da explotación Faro, na Ermida, para a integración paisaxística e para a futura recuperación do uso forestal.
Este material representa máis do 90% dos sobrantes na escavación das obras. Así, para o recheo da canteira foron necesarios 20 camións que realizaron 15.000 viaxes.
As obras do hospital seguen avanzando a bo ritmo.