Usuarios do Centro Ocupacional o Saiar de Caldas de Reis instalaron este luns a decoración de Nadal do edificio administrativo da Xunta de Galicia en Pontevedra, que foi deseñada por eles mesmos nas últimas semanas.
Os participantes foron recibidos polo delegado territorial, Agustín Reguera, que os felicitou polo gran traballo que teñen desenvolvido, non só este ano, senón tamén en anos pasados.
Entre as decoracións destaca a gran árbore de Nadal instalado na planta 0, pero tamén pequenas decoracións, luces e esculturas que se distribuíron por todo o edificio.
Reguera aproveitou para agradecer en nome da Xunta a labor que levan a cabo entidades como o Centro Ocupacional de Saiar, que reverten directamente a favor de toda a poboación: "O traballo que facedes é digno de mención e admiración", dixo.