Unha vez máis o Partido Popular de Pontevedra centra as súas críticas no contravertido cruzamento entre as rúas Benito Corbal, Daniel de la Sota e Cobian Rofignacc.
"Aínda que poida soar repetitivo temos que esixir a este goberno organización", sinalou o concelleiro popular César Abal nun comunicado.
Abal criticou a nova imaxe do cruzamento, agora de cor granate tras aplicar unha pintura "que ademais de non ser antideslizante estase a levantar", polo que considera que non se trata dunha solución definitiva.
Para César Abal esta situación teríase evitado de exitir "unha xestión responsable en materia urbanística".
Entre outras actuacións, o representante do PP local aludiu tamén aos pasos de peóns elevados "instalados ata en dúas ocasións en dez días" en Estribela ou á reforma executada na rúa Blanco Porto.