O Consello da Xunta de Galicia decidía este luns 13 de maio autorizar polo período dun ano máis, ata maio de 2025, o contrato para a xestión da estación depuradora de augas residuais (EDAR) do municipio de Soutomaior.
Augas de Galicia, organismo dependente da Xunta, leva case dúas décadas asumindo a explotación da instalación municipal.
Trátase da terceira prórroga do contrato de xestión deste servizo público para a explotación da estación depuradora de augas residuais de Arcade-Soutomaior cun importe de 408.713 euros.
As tarefas que se contemplan supoñen o mantemento da actividade normal das instalacións de forma ininterrompida e continuada para manter, en todo momento, os índices de depuración que cumpran os límites establecidos na normativa vixente.
A explotación da depuradora tamén inclúe a retirada, transporte e vertedura de graxas, areas e residuos das reixas coas condicións hixiénicas debidas; secado de lodos e xestión e conservación da totalidade dos elementos e equipamentos que conforman a pranta.
A Xunta lembra que leva anos prestando o seu apoio técnico e financieiro aos concellos que o precisan para esta actividad, malia que o servizo de saneamento e abastecemento de auga sexa de competencia municipal.