O Concello de Ribadumia publica unha oferta de emprego para a 50ª edición da Festa do Viño Tinto do Salnés e as súas Variedades Autóctonas.
Nela, indican que se precisa persoal para atender os clientes na carpa de venda de viños da festa, mediante un contrato eventual a tempo completo desde o venres 2 de xuño ata o domingo día 4 do mesmo mes.
As persoas interesadas nesta oferta deberán ser maiores de idade, e valorarase de forma positiva que se conte con experiencia previa no sector hostaleiro. O prazo para presentar as solicitudes está aberto ata o 19 de maio.
As candidaturas poderanse formalizar a través dun formulario que está dispoñible nas dependencias municipais.
Segundo apuntan desde o Concello, esta iniciativa é unha oportunidade que permite fomentar o emprego local da zona. Ademais, aseguran que consegue establecer unha maior vinculación da poboación de Ribadumia coas actividades que se desenvolven nela e a cultura propia do municipio.