O Concello de Caldas de Reis manifesta o seu rexeitamento á decisión da Xunta de Galicia de eliminar a terceira unidade de educación infantil no CEIP San Clemente.
Esta medida afectará a todo o alumnado de Educación Infantil do centro, que serán redistribuídos en dúas unidades.
Segundo informa o Concello, esta reorganización superará o límite de 26 matrículas establecido pola normativa da Xunta para centros con dúas aulas agrupadas de Educación Infantil.
O CEIP San Clemente conta actualmente con 29 matrículas a efectos de cómputo.
O tenente de alcalde, Manuel Fariña, cualificou a decisión como "política sen xustificación técnica", afirmando que "compromete a calidade educativa" nun centro recoñecido pola súa excelencia.
Fariña asegurou que o Concello apoiará ás familias afectadas para manter a terceira unidade.
Pola súa parte, o alcalde Juan Manuel Rey reafirmou o apoio do Concello ás familias e instou á Xunta a reconsiderar a súa decisión.
Rey criticou tamén a falta de información previa ás familias e ao Concello sobre esta medida.
O goberno local considera esta acción como parte dun "desmantelamento da educación pública, especialmente nas zonas rurais" e promete estudar todas as vías posibles para reverter a situación.