Emerxencias Sanxenxo fai balance do ano 2023 recentemente finalizado.
O servizo de emerxencias contabilizou un total de 767 intervencións ao longo do ano, destacando que o 15,5% delas produciuse fóra do seu termo municipal.
En concreto 648 das intervencións tiveron lugar en Sanxenxo, mentres que 51 foron en Poio, 38 en Meaño e 16 no Grove. Ademais tamén prestaron servizo en incidencias acontecidas en Barro, Cambados, Catoira, Marín, Meis, Ribadumia, Portas e Vilagarcía.
En canto á tipoloxía das incidencias, a maioría de interveciones tratáronse de labores de prevención e mantemento como retiradas de postes, cables, ramas e elementos estruturais (178) ou limpeza de vías (36), pero tamén por escapes de gas (9), movemento de contedores ou mobiliario (7) e inundacións (38). Á súa vez interviñeron en 93 rescates dos que 32 foron en contorna urbana, 1 en contorna natural, 13 de animais e 11 marítimos.
Emerxencias Sanxenxo actuou ademais para retirar 21 niños de avespa velutina, e 32 veces máis en avisos relacionados con outros animais.
Por último contabilizáronse ata 128 incendios de distinto tipo obrigaron a intervir ao servizo, así como 105 accidentes de tráfico.