Repetíronse durante a noite do inicio da campaña electoralas pintadas de contido ameazante cara ao deputado provincial encargado de Mobilidade, Uxío Benítez, nas que se podía ler entre outras expresións: "Uxío = Hijoputa. Corrupto" ou "Estás muerto".
Este venres, o vicepresidente da Deputación, César Mosquera, mostraba fotografías das pintadas e relacionaba este novo incidente co conflito aberto cos traballadores do Parque de Maquinaría da institución provincial.
Mosquera indicou que as ameazas non serven para conseguir nada e dirixiuse a Comisións Obreiras e ao Partido Popular para que tenten realizar un chamamento á cordura aos autores destas pintadas. O deputado nacionalista indicou que este tipo de actos responden a prácticas mafiosas ou de índole terrorista.
Pola súa banda, Uxío Benítez apuntou que a Policía Local está a redactar un informe sobre o alcance destas pintadas realizadas sobre todo en Tomiño. E indicou que estudará a posibilidade de denunciar estas ameazas ante a Garda Civil co obxectivo de garantir a súa integridade física.