A asociación veciñal O Mirador de Monte Porreiro volve festexar o Entroido ao grande coa organización do seu Desfile para o sábado 2 de marzo.
Mentres tanto este mércores haberá un baile infantil e presentarase unha pequena exposición no Centro Cultural cos traxes que levaron as Comparsas e grupos en anos anteriores.
Este desfile sairá ás cinco da tarde desde a rúa Dinamarca onde se concentrarán os participantes para percorrer as rúas: Italia, Alemaña, Irlanda, e terminar nas inmediacións da Escola Taller (á beira do campo de fútbol).
A entrega de premios terá lugar na Praza de Europa durante a "Queima do porco", que poñerá fin á festa.