Esta mañá iniciáronse os labores de poda das árbores da Alameda, seguirase coas zonas de plataneiros da Barriada Virxe do Carme e en Portocelo.
Estas podas son necesarias para evitar atascos nos colectores coa caída das follas.
O Concello de Marín contratou a unha empresa privada especialidada para esta poda en altura. O encargo é que fagan estes traballos o máis axiña posible e causando as menores molestias nos paseos e nas zonas máis frecuentadas.
Segundo o Goberno Local, estes traballos seguirán na zona do aparcadoiro diante do Concello, Aduanas e Xulgados.
Co apoio da brigada de xardíns están a realizarse outros labores, tendo en conta que se dispoñen de menos operarios que outros anos, polas baixas no persoal.
LIMPEZA RÍO LAMEIRA
Estes días levou a cabo a limpeza anual do río Lameira, que durante esta tempada do ano prepárase para que a canle estea despexada de maleza e de ramas que poidan obstaculizar o leito do río dificultando o seu percorrido.
Xa se actuou no tramo comprendido entre Ponte Zapal e Coirados, incluíndo algúns regatos que tamén se rozan como o que circula polo linde do colexio A Laxe.
As tarefas de limpeza están practicamente finalizadas e en consecuencia os labores desde este momento cínguense á conservación.