Más de 500 foron os comensais que asistiron á cea, gozando dun menú servido pola Brisa Atlántica e composto por Cola de Bogavante sobre tabulé de quinoa, froitas deshidratadas e vinagreta de mango, Rodaballo braseado sobre tallarines de cabaza e aceite verde, Pastel de carnes ibéricas, redución de viño doce e gratén de pataca e Cúpula gold: base de biscoito de chocolate, crema de queixo, Ferrero, Lotus, café, caramelo salgado e cúpula de chocolate gold.
Foi cunha selección de viños: DO Rías Baixas Martín Códax, DO Bierzo Catro Pasos Black e Espumoso Alma Atlántica.
Foi o sensacional "aperitivo" para o que veu despois, co desfile das debutantes e o baile posterior que se prolongou ata a madrugada, no medio dun ambiente excepcional de cor, alegría e o tradicional reencontro cos amigos, moitos deles chegados desde distintos lugares da xeografía nacional.