A terceira edición da andaina solidaria organizada polo Concello de Campo Lameiro foi todo un éxito. Logrou reunir un total de 3.604 euros para Fundación Andrea.
Estes cartos procedían dos donativos e das 650 inscricións formalizadas polos participantes nesta proba deportiva non competitiva, que se desenvolveu este domingo sobre un percorrido longo de 24 quilómetros, outro de catorce quilómetros e un pequeño de oito quilómetros.
A Fundación Andrea é unha asociación que axuda aos nenos con enfermidades raras e de longa duración con moito tempo de hospitalización.
Despois da andaina, os participantes compartiron un aperitivo preparado polo comité organizador, coordinado por Mónica Arza, Cándido Carramal, Fernando Caldas, Jesús García e Paula Pazos, e gozaron dunha xornada de confraternidade e irmandamento.