Pontevedra non está entre as cidades agraciadas neste Sorteo Extraordinario do Neno 2025 celebrado este luns 6 de xaneiro.
O primeiro premio, o Gordo foi para o número 78908 que se vendeu integramente en nunha administración situada en El Corte Inglés de León. Está dotado con 2.000.000 euros por serie.
En canto ao segundo premio, dotado con 750.000 euros por serie, foi para o número 06766. Foi vendido en Vigo, na administración 27, situada na avenida de Camelias.
Tamén se vendeu noutros puntos de Galicia como Touro, Oza-Cesuras, Ferrol, Becerreá, Riotorto e Ourense.
E parte do terceiro premio da Lotaría do Neno foi vendida en Nigrán, Vigo e Tomiño.
No Estanco A 13 de Priegue, en Nigrán, vendeuse "polo menos un décimo" do número 66777.
Este número tamén foi consignado nun despacho de venda de lotaría da rúa Rosalía de Castro en Vigo e na Cafetaría Carmiña, en Santa María de Tebra-Tomiño.
Outras localidades galegas agraciadas por este número foron A Coruña, Ares, Santiago, As Pontes, Ribeira, Vilalba, Castroverde, Rábade e Sarria.
Este premio está dotado con 250.000 euros á serie. É dicir, a cada décimo correspóndenlle 25.000 euros.
O Sorteo Extraordinario da Lotaría do Neno repartiu un total de 770 millóns de euros en premios.
Cada español gastou unha media de 18,20 euros en comprar décimos para este sorteo extraordinario, o que supón 0,23 euros máis que o ano anterior, segundo a cifra de consignación por habitante de Loterías e Apostas do Estado (LAE).
En Galicia o gasto foi de 19,37 euros por persoa.