Setembro chegou e é o momento de empezar a coidarnos. Toca retomar bos hábitos, ou mesmo cambiar algúns, e probar novos tratamentos que axuden a recuperar a saúde e o benestar.
No Centro Médico Estético Lorena Quintáns contan con diversas propostas para tratar a pel e o corpo de maneira integral, por fóra e dende o interior.
A súa directora, Lorena Quintáns, dános todas as claves para unha volta á rutina de modo saudable.
– Lorena, como describirías o impacto que o verán ten no noso corpo e pel?
O verán deixa "pegada", e esta pegada é moi visible no noso corpo e a nosa pel. Compensar os excesos do verán é todo un ritual que moitos nos propoñemos ao chegar setembro, e é crucial non deixalo nunha acción puntual, senón convertelo nun hábito.
– Por que cres que as dietas a curto, medio ou longo prazo non adoitan ser efectivas?
Facer dieta de forma temporal deriva en falta de satisfacción, o que provoca que non sexa sostible no tempo. A clave é un cambio de mentalidade cara a unha alimentación saudable que perdure.
– O voso asesoramento nutricional baséase no Método 3.1. Poderías explicar en que consiste?
É un sistema de reeducación nutricional que nos facilitará as ferramentas necesarias para alcanzar un grao de benestar físico, emocional e social óptimo e duradeiro.
Saber elixir en todo momento o que máis nos convén comer, en calquera situación e tempo, identificar os alimentos e as súas propiedades nutricionais, aprender a gozar do pracer de coidarnos e poder ser flexibles sen sentimentos de culpa, xestión do estrés, ansiedade e fame emocional...
Non quere dicir que debamos "eliminar, prohibir" senón que se trata de cambiar a nosa maneira de pensar sobre o que realmente é "saudable e nutritivo". Poderiamos resumilo en: "Crea un hábito, mantenlo e cre nel".
– Que importancia ten a planificación da alimentación?
A planificación é clave. Estruturar as comidas de forma adecuada e crear uns patróns e hábitos saudables que satisfagan todas as túas necesidades. Trátase dunha forma de alimentarse a longo prazo e un cambio de estilo de vida.
– Que relación hai entre a redución de peso e a estética corporal?
En ocasións centrámonos só en diminuír de peso coa alimentación e o exercicio, que por suposto son un piar fundamental, pero non sempre son suficientes para reducir esas "zonas problema" como o abdome, as coxas, subglúteo...
Isto débese a que cando baixamos de peso reducimos nas zonas que nos é máis fácil perder graxa, producíndose unha descompensación e acentuándose os acúmulos adiposos e, en ocasións, a pesar da diminución de peso, aparecen alteracións estéticas como a retención, a mala circulación, a celulite ou a flaccidez, que a miúdo continúan inalterables.
– Que papel xogan os tratamentos corporais neste contexto?
Neste punto é onde os tratamentos corporais xogan un papel moi importante.
No noso centro médico estético dispoñemos de protocolos personalizados e adaptados ás necesidades e obxectivos individuais de cada persoa, combinando os tratamentos médico estéticos infiltrativos (mesoterapia e carboxiterapia corporal) cos tratamentos estéticos como a presoterapia, maderoterapia, masaxes liporreductores, masaxes drenantes manuais e tratamentos propios como o Body Sistem e Vital Mud.
Todos eles para reducir, remodelar, drenar, mellorar celulite e circulación, e tonificar, sempre co asesoramento nutricional, garantindo os mellores resultados.
– Para aquelas persoas que estean interesadas en comezar, cal sería a túa recomendación inicial?
O primordial é solicitar unha primeira consulta, un Diagnóstico Corporal. É aquí onde elaboraremos o plan nutricional e de tratamentos corporais máis adecuados para unha "volta" saudable.
Lorena Quintáns Estética Consciente
N° Rexistro Sanitario C-36-003390
Praza de Campolongo 10, baixo, Pontevedra
Instagram: @lorenaquintansblanco
Teléfono: 886 213 416
