Unha muller foi localizada sen vida este luns flotando na auga en Cambados.
Ocorreu concretamente na praia do Facho, en Castrelo.
Segundo explica o 112 Galicia, un particular alertou da situación minutos antes das 17.00 horas, ao atopar o corpo da muller flotando no mar. Afirmaba ademais que era posible rescatalo desde a beira, sen necesidade de medios acuáticos.
Os servizos de emerxencia recuperaron o corpo, pero os efectivos sanitarios trasladados ao lugar só puideron certificar a súa morte.
Avanza o 112 que as forzas da orde traballan agora para esclarecer os feitos.