Calquera persoa que circule pola Reigosa xa pode ver na rotonda de acceso ao municipio 'Ponte Caldelas' en letras de cor azul. Trátase dunha obra realizada polo Concello para mellorar a imaxe de entrada ao municipio para aqueles vehículos que procedan de Pontevedra.
Do mesmo xeito que xa se actuou nas glorietas do polígono empresarial, tamén se instalou pedra branca de base con plantas baixas para facilitar a visibilidade e a seguridade viaria a aquelas persoas que se trasladen nos seus vehículos pola intersección da PO-532.
Andrés Díaz, alcalde de Ponte Caldelas, afirma que con estes traballos se mellora a imaxe do municipio e avanza que, nas próximas semanas, realizaranse outras accións similares nos lugares de Forzáns e de Caritel.