"O feito de que a campaña esté bipolarizada entre PP e Alternativa Galega de Esquerdas demostra que a única alternativa é a nosa". Así de contundente mostrouse, no último día de campaña, Juan Fajardo, candidato da coalición formada por A Nova, Esquerda Unida, Equo e Espazo Ecogaleguista. "Empezamos sendo unha pequena bola e xa somos un tsunami de xente que está desexando sumarse a este proxecto para acabar coa política de dereitas".
Segundo Juan Fajardo, "se algo confirmamos nesta campaña é que estamos aquí para quedarnos e para facer un traballo de acoller unha maioría social que permita cambiar as cousas desde a base", co obxectivo, explicou, de que "dunha vez por todas no país goberne a xente e non os mercados ou algún banqueiro alemán de cuello duro".
O candidato de AGE asegura ter claro que ou PP "está nervioso" porque ven perdidas as eleccións. "Están chegando ao insulto barriobaxeiro. Tildaban a Beiras de tolo, o que é unha aberración. Apostarse por cambiar as cousas desde a base é tolear, eu tamén o estou", afirmou Fajardo. "Neste país non se goberna para a xente, senón para os que teñen moitos cartos".
Neste último día de campaña electoral, Juan Fajardo mantivo unha reunión con asociacións de veciños de Pontevedra para trasladarlles que Alternativa Galega de Esquerdas pretende "abrir as portas do Parlamento á participación cidadá e que dunha vez por todas poidan falar alí os veciños". Recordoulles ademais que a súa formación será "unha forza próxima que imos estar o xusto non Parlamento, porque temos que estar na rúa coa xente que o está pasando mal".