Nas dúas próximas semanas agárdase a chegada de tres integrantes da familia real nas Rías Baixas.
Está previsto que o rei emérito Juan Carlos I visite Sanxenxo a partir do martes 9 para participar na regata que se desenvolverá a próxima fin de semana na vila turística, segundo indica Europa Press.
A regata desenvolverase desde o venres 12 ao domingo 14 de xullo.
Dous días máis tarde, o martes 16 de xullo, será o rei Felipe VI quen visite a provincia de Pontevedra para trasladarse ata a Escola Naval de Marín como principal protagonista da entrega dos reais despachos con motivo da festividade da Virxe do Carme.
A falta de confirmación oficial, espérase que o monarca viaxe acompañado da súa filla, a princesa de Asturias, Leonor de Borbón.
Será a primeira visita que realice á escola militar onde a finais do mes de agosto ingresaría para continuar a súa formación académica militar.