As primeiras horas do rei emérito en Sanxenxo estiveron cargadas de emoción, e sen rastro da crítica e polémica que rodea a súa visita a nivel político. Rodeado dos seus amigos máis fieis e de achegados do mundo da náutica que sempre lle deron o seu respaldo, todo transcorreu para el nun ambiente amable e un baño de agarimo. El mesmo é consciente de que regresar a Sanxenxo é facelo a un lugar no que é ben recibido e así llo trasladou ao alcalde, Telmo Martín.
O rexedor achegouse á casa de Pedro Campos a Nanín para almorzar con Juan Carlos I e tamén estivo con el no Náutico. En ambos os encontros trasladoulle "que está muy emocionado" e quixo "agradecer la acogida que siempre le damos en el pueblo". Segundo explicou Telmo Martín, trasladoulle "que estaba en deuda con Sanxenxo", pero el non comparte a súa opinión e devolveulle a pelota: "en deuda estamos nosotros".
Tras deixar ao rei no mar, Telmo Martín explicou que "si Sanxenxo tuviera que pagar lo que se ha hecho con nosotros este tiempo no hay dinero que lo pague", e mostrouse moi agradecido co emérito pola súa visita e cos medios de comunicación pola súa cobertura e "lo bien que ponen a Sanxenxo y las imágenes que se ven en todo el mundo". A visita de Juan Carlos I é, na súa opinión, unha campaña promocional envexable para a vila.
En canto ao monarca, o alcalde sanxenxino manifestou que percibe que "el rey ama mucho España" e que "está contentísimo de estar aquí otra vez". Ademais, asegura que o atopou, case dous anos despois da última vez que o vía antes de deixar España en agosto de 2020, "muy bien de salud, muy bien físicamente" a pesar dos seus problemas de mobilidade.
"Lo he visto con muchas ganas, con mucha ilusión y estamos muy contentos de que esté aquí otra vez entre nosotros", insistiu Martín, que tamén confirmou orgulloso que esta visita do emérito a Sanxenxo é tan só un avance dunha estancia moito máis larga prevista para xuño. Así, el mesmo ratificoulle que o próximo mes regresará para "defender el título" de campión do mundo no campionato que se disputará a partir do día 10. Esa visita será de 10 ou 12 días.
Confirmou, así mesmo, que a infanta Elena, que chegou a Galicia este xoves para acompañalo na súa primeira parada en España, xa deixou Sanxenxo rumbo a Sevilla para participar nunha competición hípica. Este venres si o acompañou ata o Náutico, pero foise aos poucos minutos. En todo caso, agradécelle o "gesto importante" de acompañar ao seu pai.
Tamén Telmo Martín referiuse á polémica política que espertou este regreso, e mostrouse crítico cos partidos e institucións que cuestionan a figura do emérito e coa postura do Goberno. "Hay instituciones importantes que se han tomado esto de broma", reflexionou, e engadiu que agora "están moyt fastidiados" pola repercusión da visita e polo apoio espontáneo en forma de aclamacións e aplausos ao monarca.
Considera, así mesmo, que pecaron de descoñecemento da sociedade española as persoas que pensaron que esa visita podería pasar desapercibida, pois se trata de"una persona que ha estado 40 años al frente de la Jefatura del Estado y llevaba dos años fuera de España". Aqueles que pensasen que "esta visita otra vez a Sanxenxo podía pasar inadvertida y con discreción" é, ao seu xuízo, "un ingenuo".