Os condutores dun turismo e dun autobús resultaban feridos de carácter leve, aínda que un deles tivo que ser evacuado, este martes 20 na AP-9 ao seu paso por Vilaboa.
Segundo indica o 112, producíase un impacto entre os dous vehículos no punto quilométrico 137, á altura da peaxe, en sentido Pontevedra.
O accidente rexistrábase ás 07.00 horas. O condutor do autobús alertou ao 112 Galicia e sinalaba que os 20 pasaxeiros que viaxaban no autocar se atopaban ben.
O vehículo realizaba a ruta por autoestrada entre Vigo - A Coruña.
Ata o lugar se desplazaron os equipos de Urxencias Sanitarias de Galicia - 061 e axentes da Garda Civil de Tráfico.