Durante a noite deste luns 2 de decembro, o Servizo de Emerxencias do Concello de Cambados interviña nun accidente de tráfico ocorrido no lugar de Couto de Abaixo, na parroquia de Castrelo, dentro do municipio de Cambados.
O incidente produciuse debido a unha saída de vía, na que se viu implicado un único turismo, que terminaba nunha leira da contorna.
O condutor, identificado como J.V.G., resultaba ferido e foi evacuado ao Hospital do Salnés por unha ambulancia medicalizada do 061.
No operativo participaron tamén efectivos da Garda Civil de Tráfico e os Bombeiros do Salnés, quen colaboraron nos labores de asistencia e seguridade no lugar do accidente.
Os axentes investigan as causas do sinistro, mentres que o condutor permanece baixo atención médica para unha exploración das feridas sufridas.
