Francia e México, principais países de orixe dos estudantes internacionais do campus

Pontevedra
31 de xaneiro 2025

Este curso fórmanse no campus universitario de Pontevedra un total de 57 estudantes internacionais, procedentes de 18 países diferentes

Acto de benvida ao alumnado internacional do campus
Acto de benvida ao alumnado internacional do campus / Universidade de Vigo

O campus de Pontevedra ofreceu este xoves un acto de benvida para o estudiantado internacional que este curso se forma nas súas facultades.

Son en total 57 os estudantes de até 18 países que chegaron á cidade ao amparo do programa Erasmus+, de convenios bilaterais e doutras iniciativas de mobilidade.

Despois de acoller 18 alumnos e alumnas internacionais no primeiro cuadrimestre, o campus recibe nestes días 29 mozos que inician unha etapa formativa, e que se suman ao dez alumnos e alumnas que permanecen na cidade todo o curso.

Francia, con 11 alumnos e alumnas, é este curso o país con máis representantes no campus, seguido de México, con nove, e Arxentina e Italia, ambos os dous con seis.

Por centros, a Facultade de Comunicación recibe este curso 22 estudantes internacionais, mentres outros 14 fórmanse ou se formaron en Belas Artes. Ciencias da Educación e do Deporte acolle sete estudantes foráneos ao longo do curso e tanto Fisioterapia como Dirección e Xestión Pública cinco.

A Facultade de Deseño, con tres estudantes neste segundo cuadrimestre, e a Escola Universitaria de Enfermaría completan a relación de centros do campus con alumnado internacional.

O acto de benvida organizouse co obxectivo de presentarlles os diferentes servizos e as actividades que a Universidade de Vigo pon á súa disposición.

A vicerreitora do campus, Eva María Lantarón, foi a encargada de darlles a benvida "a unha das mellores universidades a nivel mundial, con moi bos recursos e moitas posibilidades que tedes que aproveitar", afirmou.

Ademés animoulles a que "non quededes só coa actividade académica" durante a súa estancia en Pontevedra.