As malas previsións meteorolóxicas para este sábado 22 de marzo provocaron o aprazamento do Desfile do Entroido de Monte Porreiro.
A organización do evento, segundo informa o Concello de Pontevedra, decidiu pospoñer esta celebración a unha data que aínda está por determinar.
En todo caso, o Entroido segue vivo noutras parroquias do municipio.
A Sociedade Cultural Deportiva Salcedo mantén a celebración do XI Festival de Murgas que terá lugar este mesmo sábado 22 no Centro Social de Salcedo (Casa Verde).
O evento comezará ás 18:00 horas e contará coa participación de catro agrupacións: Equipo Já, A Murga do Naveiro, Murga Val do Lérez, participantes habituais no certame do Entroido que se celebra no Pazo da Cultura, e Cantos de Taberna.
A entrada ao festival será gratuíta.