A volta ao cole volverá ser unha festa no centro histórico de Pontevedra. O centro comercial urbano Zona Monumental organiza, un ano máis, unha Gran Festa de volta ao Cole o vindeiro mércores 11 de setembro.
Os nenos poderán participar gratis coa presentación dun ticket de compra nalgún dos establecementos do Centro Comercial Urbano Zona Monumental.
A festa será entre as 16.30 horas e as 20.30 horas nas prazas do centro histórico.
Na praza de Curros Enríquez haberá un mural de arte colaborativa e un rocódromo de 8 metros.
Na praza Méndez Núñez haberá actividades de pinta caras e bebeteca.
Na praza Valentín García Escudero montarase un taller de manualidades.
Na rúa Serra poñerase en marcha inchables.
Como colofón a unha tarde de xogos, volverá unha das citas máis esperadas para mes de setembro, a tradicional festa da escuma. Será ás 19:30 horas na Praza da Pedreira (Mugartegui) coa participación dun DJ.