O Concello de Sanxenxo informou dun accidente no que resultou ferido leve o condutor dun tractor.
Apunta o Centro de Atención ás Emerxencias 112 Galicia que o suceso tivo lugar en Vilalonga ás 8.19 horas deste martes.
O operario atopábase realizando tarefas de roza para a Mancomunidade do Salnés.
O vehículo envorcou ao enredarse nun cable de telefonía.
O traballador ferido foi trasladado ao hospital cun golpe nun ombreiro.
Ata o lugar do accidente trasladáronse membros de Emerxencias Sanxenxo, Policía Local e sanitarios.