Un mariñeiro faleceu este martes ao caer ao mar.
Segundo informou a Policía Local de Poio, o suceso ocorreu cando este home e o seu compañeiro caeron á auga desde a pequena embarcación na que se atopaban.
Outros mariñeiros que se atopaban na zona acudiron no seu auxilio.
O compañeiro salvouse a nado pero el non o conseguiu. Tras sacarlle da auga tentaron reanimalo sen éxito.
O falecido e un veciño de Raxó de 73 anos, o home que saiu ileso ten 69 e é veciño de Dorrón, en Sanxenxo.
Este accidente tivo lugar en Punta de Bois, entre Raxó e A Granxa.
A Garda Civil informou que ás 18:51 horas, recibiuse o aviso por envorco dunha embarcación. Entón montouse un dispositivo de busca con servizo marítimo, patrullas por terra, Salvamar, entre outros medios.
Desde a Central de Coordinación de Urxencias Sanitarias de Galicia-061 enviaron ata o porto de Raxó unha ambulancia de soporte vital básico e outra de soporte vital avanzado, que certificaron o falecemento do home.