Tiña 99 anos e en setembro tería chegado aos 100. Celso García de la Riega faleceu este venres na residencia de maiores de Poio.
O histórico militante do Partido Socialista, o máis antigo de España, era ademais neto do historiador Celso García de la Riega, pai da teoría do Colón Gallego.
De la Riega militaba no Partido Socialista dende o ano 1936, cando tiña os 20 anos, vivindo toda unha historia na que superou momentos moi complicados, en especial durante a Guerra Civil e a posguerra.
O seu corpo será velado no Tanatorio de Poio ata as 20:00 horas do sábado para posteriormente ser incinerado sen que se celebre funeral, por expreso desexo do falecido.
Este mesmo ano, no mes de abril, o secretario xeral do PSdeG-PSOE, José Ramón Gómez Besteiro, rendera unha homenaxe a De la Riega, a quen visitou na residencia de maiores.