O Atlántico sáenos da alma! É por iso que os espumosos de Alma Atlántica propoñen volver vivir un verán como os de antes, con todas as letras!.
Esta é a invitación da nova campaña de Bodegas Martín Códax. O novo anuncio de Alma Atlántica, creado pola axencia de publicidade coruñesa BAP&Conde, convida a vivir un verán que te envolva como o mar. Un verán que nos leve, que nos traia como o bambeo das ondas. Que nos conecte novamente cos nosos, que nos faga rir coma nunca. Un verán cheo de festivais, concertos, música.
OCÉANO DE SABORES E EXPERIENCIAS
Alma Atlántica preséntase cunha campaña na que o Atlántico segue sendo o detonante de toda esa explosión de vida, dun océano de sabores, cores, sentimentos e experiencias. Un tempo onde nunca sobran celebracións e xamais faltan amigos.
"Para que vivas un verán con Alma Atlántica, para vivir a túa alma desde un punto máis atlántico!", animan desde a firma cambadesa.
Bodegas Martín Códax sinala que "con esta peza, seguimos facendo protagonista ao produto e deixando claro o noso ADN atlántico, que é a nosa esencia e a nosa razón de ser. Alma é sempre o detonante de toda esa éxtase oceánica e desa diversión desmedida".
A intensidade do que é o verán con Alma Atlántica recréase nunha película a ritmo das artistas galegas Guadi Galego e Paula Grande. Co seu alegre tema "O que ha chegar" axuda a reflectir esas ganas de vivir un verán con alma:
"Vai o soño que achará
Cada noite de verán
Que se repita sen parar
Vai o soño que achará
Cada noite de verán
Que se repita sen parar"
ESPUMA DO ATLÁNTICO
"Descubrir a grandeza do Atlántico a groliños. Gozar o verán é vivir as Rías Baixas de maneira diferente. Romper as regras! Como rompe o Atlántico en cada onda. Sentir todo o sabor do albariño e a mencía. Explorar Galicia en cada pinga". Esta é a invitación de Alma Atlántica.
O tardeo ten un sabor atlántico e está cheo de burbullas para vivir con toda a alma, un instante que non volverá xamais. Cada minuto é irrepetible e un acontecemento extraordinario. Nesa medida de tempo é onde os espumosos avanzan.
Os espumosos Alma Atlántica nacen de forma natural tras a fermentación e rompen como o mar. Reforzando aínda máis esa sensación de frescor tan necesaria no verán. Alma Atlántica serve a dozura perfecta da tarde, a burbulla fina de cada momento especial. É espuma que baña con notas de albariño, de cereixa e de frambuesa da mencía. Toda a explosión do océano Atlántico adozada co sabor da vide.
REFRESCANTES E ESPUMOSOS DE ALBARIÑO E MENCÍA
Un proxecto de Bodegas Martín Códax no que se viaxa á orixe e a varietais únicos cun marcado carácter Atlántico. Unha nova forma de aproximarse ao albariño e á mencía, atrevida e transgresora. Un produto perfecto para un consumidor que o que busca é divertirse e gozar, sen por iso perder de vista a calidade do produto.
Bodegas Martín Códax viaxa á orixe e a varietais únicos cun marcado carácter Atlántico
Alma Atlántica Espumoso Albariño é uva albariño 100% en cuxo fermentado créanse de forma natural as finas burbullas que reforzan aínda máis a sensación de frescor. Sentir en cada sorbo o romper das ondas.
Alma Atlántica Espumoso Mencía Rosé é uva 100% mencía. As súas finas burbullas nacen de forma natural tras a fermentación e a súa escuma bañarache con notas afroitadas e florais que deixarán un recordo doce.
A PRIMEIRA SANGRÍA DO OCÉANO
Unha nova maneira de descubrir o lado oceánico e máis refrescante das uvas albariño e mencía
Alma Atlántica Sangría Albariño, é a primeira sangría branca do Atlántico. Unha nova forma de sentir e gozar as Rías Baixas coa uva albariño como protagonista, un baño de cítricos e os matices de loureira e caíño branco. Unha sangría lixeira, fresca e afroitada, directamente conectada co Atlántico.
Alma Atlántica Sangría Rosé, a primeira sangría do Atlántico. Unha íntima unión coa riqueza das súas augas, que gardan a mestura de sabores, sons e culturas dos pobos que se asoman ás súas ribeiras. Unha nova maneira de descubrir o lado oceánico e máis refrescante da uva mencía.
O DIVERTIDO É ROSÉ
Bodegas Martín Códax presenta a versión máis divertida do viño mencía, perfumada e refrescante. A firma de Cambados viaxa á orixe e a varietais únicos cun marcado carácter Atlántico. Unha nova forma de achegarse á uva mencía para un consumidor que o que busca é gozar, sen por iso perder de vista a calidade do produto.
Alma Atlántica Mencía Rosé é o resultado desta viaxe. Un viño elegante e sedutor á vez que refrescante, saboroso e froiteiro, con toques de froitos vermellos e violetas, que aspira a converterse na versión máis divertida do Mencía, ideal para os máis atrevidos e transgresores.