Chega unha nova entrega de "A cociña gourmet en conserva" cunha orixinal receita procedente da provincia de Cantón, ao sur de China.
O dim sum refírese a un aperitivo que adoita comerse nalgún momento entre a mañá e as primeiras horas da tarde acompañado de té. Aínda que, en realidade se trata dunha suma de pratos, as empanadillas de masa cocida rechea son os elementos indispensables desta comida, polo que adoitan adoptar o seu nome. Outra forma de referirse a estas empanadillas é coa denominación chinesa de jiaozi ou a máis popular de dumpling, propia dos países anglosaxóns.
Conservas PESCAMAR propónnos un recheo de Bonito do Norte, a especie máis cotizada dentro da familia dos túnidos. O Bonito do Norte é un peixe azul rico en graxa saudable, xa que contén gran cantidade de ácidos graxos poliinsaturados, indicados para reducir os niveis de "colesterol malo". A esta calidade, hai que engadir os efectos beneficiosos para a saúde cardiovascular da súa presentación en aceite de oliva.
Para preparar un delicioso 'Dim sum' de Bonito do Norte en aceite de oliva Pescamar necesitamos os seguintes ingredientes:
- 1 lata de Bonito do Norte en aceite de oliva Pescamar
- 100 gr. de gambas peladas cocidas
- 2 follas de ceboliña
- 4 culleradas de salsa de soia
- verduras variadas (ao gusto)
- 10 obleas de masa wonton
- sementes de sésamo ou pebidas de cabaza (opcional)
Elaboración:
Nun bol mesturamos, previamente escurrida, a lata de Bonito do Norte en aceite de oliva Pescamar coas gambas cortadas en anacos, a ceboliña picada, a salsa de soia e as verduras cortadas moi finas.
Colocamos en cada folla de masa wonton unha cullerada da mestura e pechamos a oblea formando un saquiño, que acabaremos de xuntar coa axuda dun garfo.
Engadimos auga a unha pota compatible coa vaporeira e colocamos a cesta cos dim sum crus enriba. Cubrimos cunha tapa e cociñamos durante 30 minutos. En caso de non ter un cesto tradicional, podemos usar só a vaporeira cun papel de forno para evitar que os dim sum se peguen á base.
Unha opción para darlle máis vistosidade a este prato consiste en empoar con sementes de sésamo ou pebedas de cabaza trituradas antes de cociñar a masa.
En dúas semanas volvemos cunha nova proposta de "A cociña gourmet en conserva" cos produtos do mar de alta calidade de Conservas Pescamar.