A Policía Local detivo o pasado fin de semana a un varón de 37 anos por un delito de violencia doméstica ao aldraxar e ameazar gravemente a súa filla de 8 anos.
Segundo informa o Concello de Pontevedra, os feitos ocorreron sobre as 00.15 horas da noite do 23 de marzo cando uns veciños alertaron de que un home estaba gritando e arrastrando a unha menor pola rúa.
Cando os axentes chegaron ao lugar, as testemuñas que deran a alerta confirmaron o sucedido e describiron como ían vestidos.
Outras persoas que tamén puideron ver os feitos, aseguraron que o home gritaba e ameazaba á menor de maneira grave constantemente.
Cando localizaron ao pai e á nena, observaron que a menor levaba posto un pixama e nos pes unhas zapatillas molladas.
O varón estaba moi alterado e nervioso, e recoñeceu aos axentes que tiña consumido alcol e drogas.
Pola súa banda, a nena informoulles que soamente estaba co seu pai nas fins de semana, e o resto da semana coa nai.
De feito, os axentes contactaron telefonicamente coa nai que minutos máis tarde se presentou no lugar para facerse cargo da filla.
Finalmente, os axentes detiveron á home por un posible delito de violencia doméstica, sendo este informado dos dereitos que lle asisten.
Este home foi trasladado ao centro médico a fin de ser asistido para logo levalo ás dependencias da policía.