Os Reis Magos despedíronse ata o ano vindeiro ano nunha festa organizada este luns en Poio.
Seis carrozas e preto de trescentas persoas acompañaron ás súas Maxestades na Cabalgata que se desenvolveu na contorna da Seca.
Melchor, Gaspar e Baltasar tiveron a oportunidade de despedirse de todos os nenos e maiores antes de partir de novo cara Oriente nunha festa moi animada, participativa e con moito colorido.
Na comitiva participaron todas as anpas dos colexios de Poio, así como membros das comparsas e grupos locais, que durante as últimas semanas estiveron traballando nos seus traxes, complementos e maquillaxes para encher de maxia, cor e ilusión a comitiva real.
Nesta ocasión foron os Reis os que fixeron unha petición a todos "sede bos" e prometeron volver o Nadal que vén.
