A Deputación de Pontevedra promocionará a campaña 'Cando volves?' das Rías Baixas no Fórum Gastronómico dA Coruña.
O evento celebrarase en Expocoruña desde este domingo 23 ao martes 25 de marzo.
A deputada provincial Nava Castro, responsable de Turismo Rías Baixas, participará este domingo no acto inaugural da feira, onde o organismo provincial contará cunha caseta propia e patrocinará diversas sesións de promoción con algúns dos principais cociñeiros da provincia.
Os chefs Javier Olleros, Pepe Solla e Iñaki Bretal serán os encargados de realizar relatorios e sesións de cociña en directo, mostrando a súa vinculación co territorio e pondo en valor os produtos da zona.
A participación da Deputación neste evento, un dos escaparates gastronómicos máis importantes que se celebran España, ten como obxectivo divulgar a relevancia da gastronomía no posicionamento das Rías Baixas como destino turístico.
Esta acción enmárcase no Plan Estratéxico de Turismo Rías Baixas, que inclúe a presenza en feiras especializadas como parte da súa estratexia de promoción.
Ademais da caseta e as sesións de cociña, Pontevedra terá visibilidade nos medios dixitais do Fórum Gastronómico.