Un incendio declarado na noite do xoves ocasionou importantes danos materiais nun garaxe en Vilagarcía de Arousa.
Segundo explica o 112 Galicia, o suceso tivo lugar ao redor das 23:20 horas da noite no lugar do Sisto, na parroquia de Solobeira.
O lume tería iniciado no coche que ocupaba o garaxe, segundo o testemuño do particular que alertou aos servizos de emerxencia, producindo danos na estrutura.
Bombeiros do Salnés e Protección Civil de Vilagarcía traballaron na extinción do incendio, que calcinou o vehículo, oito pneumáticos de camión e leña e deixou o teito da construción a piques de colapsar.
O garaxe incendiado está separado da vivenda principal, pero pegado á casa dun veciño que non se viu afectada.