Ás 2.00 horas da madrugada deste venres quedaba cortada a estrada de Almofrei no tramo entre a Finca do Cura e o lugar da Igrexa coa correspondente sinalización que indica que non se pode circular. As intensas choivas alagaron o viario e xerouse un perigo de derriba que obrigou a adoptar desa decisión na EP-0405 Xesteira-Almofrei.
O alcalde, Jorge Cubela, informou da decisión, que se adoptou despois de catro horas de traballo na zona da brigada da zona cero da Deputación Provincial de Pontevedra. Terminados os traballos, de repararación do problema, decidiuse manter cortada a estrada no tramo indicado ata que se desatasque a cantidade de auga acumulada na zona.
Debido ás intensias choivas, acumulouse unha gran cantidade de auga no regueiro da zona, que desbordou e afectou á estrada. Segundo informou a Deputación, foron necesarias oito horas de traballo para a eliminación da bolsa de auga na zona da Groxa. A brigada provincial precisou un camión góndola e dunha retroexcavadora ademais de catro operarios para deixar operativa a vía.
Respecto diso desta situación cabe lembrar que Jorge Cubela mostrou hai escasos días a súa preocupación porque a Deputación negábase a executar o proxecto de mellorada estrada de Almofrei, un viario para o que a principios de 2015 aprobouse un proxecto de mellora valorado en 600.000 euros, pero que segue sen adxudicar.
A finais de decembro, o vicepresidente da Deputación, César Mosquera, ratificou o compromiso do goberno provincial para retomar a actuación de mellora e ensanche e, poucos días despois, este xoves, tras xerarse a situación de perigo, e ante as queixas de varios veciños, as brigadas provinciais realizaron unha actuación de urxencia.