Máis de trinta embarcacións participaron esta fin de semana na concentración de barcos tradicionais que, con motivo da Festa do Mar, desenvolveuse en Combarro.
Tras a recepción e a cea oficial das tripulacións, os participantes saíron ao mar este sábado para competir nas regatas, incluída a Regada da Reiboa, puntuable para a Copa Mörling.
Esta cita, organizada polo Club Mariño A Reiboa e o Concello de Poio, concluíu cunha xornada de navegación libre pola ría, antes do xantar previo á despedida das embarcacións.
A Praza da Rualeira, pola súa banda, acolleu a oitava Mostra da Canción Mariñeira.
Nesta ocasión actuaron Vento Mareiro Forza 5 (O Morrazo), Os Saljariteiros (Marín), Os Palleta Mollada (Bueu), Os Chispas do Lérez (Combarro), Cantareiras Bulideiras (Vilagarcía de Arousa) e Cambio de Pola (Redondela). Todas elas fixeron as delicias do público.
A Festa do Mar rematará este domingo coas actuacións de Concert Kids Gisela (20:00 horas) e Euro ABBA (22:00 horas). Ambos terán lugar na Praza da Chousa.