O ceo raso, completamente despexado, co que amenceu Pontevedra permitiu gozar a eclipse lunar total deste venres 14 de marzo, tamén coñecido como o Día de Pi (3,14).
A eclipse lunar total prodúcese cando o lado próximo da Lúa pasa por completo cara á sombra limiar da Terra. A diferenza dunha eclipse solar, que só pode verse desde unha zona relativamente pequena do planeta, a eclipse lunar pode verse desde calquera parte ao lado nocturno da Terra e ten unha duración moito maior, até case dúas horas, mentres que unha eclipse solar total dura só uns minutos nun lugar determinado, porque a sombra da Lúa é máis pequena.
Nesta ocasión a eclipse iniciouse ás 07:26.
Esta aliñación do Sol, a Terra e a Lúa ten lugar cada seis meses, pero adoitan ser eclipses parciais, non como o desta ocasión, que foi total. De modo que haberá que esperar ao 7 de setembro de 2025 e ao 3 de marzo de 2026 para volver presenciar este fenómeno aínda que en Pontevedra só poderá contemplarse na súa fase parcial.
O noso satélite tinguiuse de vermello nunha eclipse total que, segundo os expertos, non se volverá ver até o ano 2048.
Por esa cor arroxada, puxéronlle o nome de Lúa de Sangue.
Na Boa Vila, o Concello organizou o "Plan Eclipse" para poder observar xunto a expertos a eclipse parcial de Sol do 29 de marzo.
Ante este feito astronómico, realizarase unha actividade para observar a eclipse na ponte do Burgo ás 10:00 horas. No lugar contarán con material de observación indirecta, telescopios con filtro solar e repartiranse de 2.000 lentes homologadas para poder velo.
A Asociación Astronómica Sirio realizará unha xornada de formación o martes 18 de febreiro no Pazo da Cultura, para ensinar a maneira correcta de ver a eclipse.