Cada última fin de semana de mes, "A cociña gourmet en conserva" volve ás aulas do Centro Integrado de Formación Profesional Carlos Oroza.
Alumnos e profesores únense para crear unha receita onde os productos gourmet de Conservas Pescamar son os protagonistas.
O produto Pescamar elixido é a lata gourmet de ventrecha de bonito do norte, que contén a parte do bonito máis exquisita e valorada. Como o seu nome indica, correspóndese coa zona do ventre do bonito, onde se concentran proteínas de alto valor biolóxico e ácidos graxos idóneos para reducir os riscos de enfermidades cardiovasculares.
Para preparar esta deliciosa receita deCanas de mar con maionesa de queixo fresco, ventresca Pescamar e marmelada de pemento do piquillo, necesitamos os seguintes ingredientes:
- Fariña frouxa (110 gr)
- Leituga de mar en po (15 gr)
- Xema de ovo (un cuarto)
- Auga (35 gr)
- Leite (30 gr)
- Manteiga de porco (15 gr)
- Maionesa (90 gr)
- Queixo fresco (150 gr)
- 1 lata de Ventrecha de bonito do norte gourmet de Conservas Pescamar
- Aceite de xirasol
- Manteiga (20 gr)
- Pemento do piquillo (2 unidades)
- Azucre (20 gr)
Elaboración:
Preparamos unha masa coa fariña, o po de leituga de mar, a auga coa manteiga e o leite, e un pouco da xema do ovo. Amasamos e estiramos ata que adquira un grosor de 1 ou 2 mm.
Coa axuda dun coitelo cortamos tiras de 2 ou 3 cm de ancho.
Procederemos a engraxar unha cana de metal con forma cónica. Debemos ter dous, unha máis grande ca outra. Procedemos a enrolar a tira na cana engraxada, a cal levaremos a fritir en aceite suave, dentro da cana máis grande.
Apertamos con axuda de dous utensilios para que non se separen. Cando a cana pequena empece a aplicar forza para separarse, déixase 1 minuto fritindo e retírase, escóase e déixase arrefriar desmoldando a cana do cilindro.
Para realizar o recheo, mesturaremos a maionesa co queixo fresco ata que sexan homoxéneos e adquiran un sabor a queixo coa cor e a textura da maionesa. Enchemos a cana coa axuda dunha pequena manga.
Para realizar a marmelada de pemento, rustrimos moi suave o pemento en manteiga e engadirémoslle o azucre ata que acaramele. Nese momento, pasámolo por un pasador de puré e mesturamos a substancia obtida. Engadímolo a unha manga, na cal faremos un buraco moi pequeno na punta.
Por último, situaremos unha lasca de ventrecha Pescamar dentro da cana, facendo así que salga un pouco do recheo cara a fóra.
Presentación:
Situaremos dúas canas, unha superpoñendo á outra, e decoraremos o prato cuns puntos de marmelada e a ventrecha de bonito do norte Pescamar. Engadiremos pétalos comestibles nas puntas de ambas as canas en forma de abano.