Chamada de atención da Comisión Europea a España polas súas concesións en liña de costa que podería ter impacto en Pontevedra e na concesión de Ence en Lourizán.
O Executivo comunitario ha enviado a España un ditame motivado alertando de que pode incumprir a directiva de servizos (Directiva 2006/123/CE) na adxudicación e prórroga de concesións.
Neste documento feito público este luns por Bruxelas recóllese que concesións na costa por 75 anos, como a concedida á factoría de Ence en 2016 para a súa permanencia en Lourizán, "infrinxen" as directivas europeas.
O ditame motivado é o segundo do tres pasos do procedemento de infracción. Agora, España dispón de dous meses para responder e adoptar as medidas necesarias. De non facelo, a Comisión podería optar por remitir o asunto ao Tribunal de Xustiza da Unión Europea.
A Comisión Europea cuestiona a posibilidade que prevé España de adxudicar concesións para construír locais permanentes (como restaurantes ou piscifactorías) no dominio público marítimo-terrestre simplemente mediante unha solicitude previa seguida dunha fase de información pública con prazo de vinte días.
Respecto diso, lembra que a directiva de servizos europea establece explicitamente a obrigación de levar a cabo un procedemento de selección imparcial e transparente.
Ademais, a Comisión considera que prorrogar a duración destas concesións con arranxo á lexislación nacional, que nalgúns casos é de até setenta e cinco anos, "infrinxe a mesma disposición" na medida en que supón un dereito preferente en favor dos operadores establecidos.
Para Bruxelas, a normativa española restrinxe indebidamente a liberdade de establecemento consagrada no artigo 49 do Tratado de Funcionamento da Unión Europea, xa que obstaculiza o acceso ás concesións por parte de operadores doutros Estados membros.
Aínda que o doucmento feito público este luns pola Comisión non cita especificamente a Ence, si salpica a pasteira, cunha prórroga de 60 anos concedida polo Goberno en funcións de Mariano Rajoy en xaneiro de 2016.
Ademais, en 2023, tras incoar a Comisión o procedemento de infracción contra España por incumprimento da Directiva de Servizos, a eurodiputada do BNG Ana Miranda elevou ao Parlamento Europeo unha pregunta que apuntaba de cheo cara a Ence.
Así, Miranda entendía que a concesión outorgada á empresa papeleira até 2073 incumpría esa directiva de servizos e non garantiu un procedemento de selección transparente e imparcial para a concesión.