Chega unha nova entrega da serie "A cociña gourmet en conserva", da man de Conservas Pescamar. Nesta ocasión, imos preparar unha receita que leva como principal ingrediente o bacallau.
A 'picada' é unha preparación propia da cociña catalá que se elabora con diversos condimentos machucados nun morteiro, habitualmente especias, froitos secos tostados, restos de pan duro, allo, pementa, azafrán, entre outros, e ligados cun pouco de aceite, vino ou caldo.
O bacallau é un peixe branco que destaca pola súa achega en proteínas, superior á dalgunhas carnes. É baixo en calorías e en graxas.
Para preparar estas saborosasBerenxenas en tomate con picada de bacallau Pescamar, necesitamos os seguintes ingredientes:
- 4 berenxenas
- 2 latas de Bacallau á biscaíña Pescamar
- 100 g de améndoas picadas
- 2 porros
- 2 cenorias
- 3 cebolas
- 1 pemento vermello
- 1 tomate
- pan relado
- sal e pementa
- ourego
- queixo parmesano
- 750 g de salsa de tomate
Preparación:
Pelamos as berenxenas e partímolas ao longo en dous anacos. Baleirámolas con coidado. Reservamos a polpa.
Cocemos as berenxenas en auga fervendo e sal durante dez minutos.
Para o recheo, refogamos todas as hortalizas cortadas moi finas e a polpa das berenxenas, tamén cortada en anacos pequenos. Cando estean feitas, engadimos as améndoas picadas ata que se torren. A continuación, as dúas latas de Bacallau á biscaíña Pescamar coa súa salsa. Mesturamos ata integrar todos os ingredientes. Salpementamos e especiamos cun pouco de ourego. Reservamos.
Collemos as berenxenas cocidas, untámolas con aceite e pasámolas por pan relado. Enchemos cada unha coa mestura que reservaramos.
Nunha bandexa de forno, poñemos a salsa de tomate e colocamos as berenxenas. Cubrímolas con queixo parmesano e gratinamos ao forno.
En quince días, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.