O Servizo Galego de Saúde actualizou á primeira hora deste xoves 23 de setembro os datos de afectados pola pandemia, e que deixan na área Sanitaria de Pontevedra e O Salnés un total de 113 casos activos de coronavirus.
Esta cifra supón un descenso de 17 con respecto ao mércores, tras unha xornada na que se engadiron ás estatísticas 4 novos contaxios e producíronse 21 altas epidemiolóxicas de persoas que superaron a infección.
Segundo este balance do Sergas, dos afectados 106 evolucionan nos seus domicilios. Os outros 7 fano no hospital con 5 persoas ingresadas en planta no Complexo Hospitalario Universitario de Pontevedra e 2 evolucionando na Unidade de Coidados Intensivos de Montecelo.
Desde o inicio da pandemia superaron a covid 21.073 persoas na área sanitaria, rexistrándose 203 falecementos de pacientes con positivo activo.
Doutra banda o Sergas informa da realización de 230 probas PCR nas últimas 24 horas.