O Entroido chegou á súa fin en Poio. Fíxoo un par de semanas máis tarde do previsto. As choivas atrasaron a traca final desta festa ata este sábado.
O broche de ouro púxoo, como é habitual, o esperado enterro do Galo Fodorico.
O evento, organizado pola AVC Ronsel coa colaboración do Concello, encheu de loito a Praza do Mosteiro, onde foi incinerado o coñecido personaxe do Entroido local, tras participar nunha comitiva que partiu desde a rotonda dos Canos.
Tras incinerar ao Galo Fodorico, as comparsas animaron a Festa Choqueira, que incluíu unha sesión musical e a repartición de chocolate quente aos asistentes.