A Policía Local de Pontevedra investiga un accidente rexistrado ao mediodía deste sábado na estación de autobuses.
Segundo a información facilitada polo Concello de Pontevedra, a principal hipótese que manexan é que se tratou dun "problema mecánico do vehículo".
Todo ocorreu sobre as 12.30 horas, cando o autobús subiu á dársena e chocou contra a parede de peche da estación. No momento do accidente, o vehículo partía da estación para iniciar a súa ruta.
Como consecuencia do impacto, a plancha que cobre a fachada desa zona da estación desprendeuse, xerando unha fenda na parede.
No momento do accidente, o autobús levaba pasaxeiros dentro, pero ningún resultou ferido. Ni os viaxeiros nin o condutor sufriron lesións.
Dúas persoas indicaron que non se atopaban ben despois do accidente. Unha púxose nerviosa a consecuencia da situación e a outra queixábase dunha dor na zona das cervicais, pero, segundo a información facilitada polo Concello, non precisaron asistencia sanitaria.
Tras o accidente, desprazáronse á zona varias patrullas da Policía Local e os axentes acordoaron os arredores da zona do impacto para impedir que os pasaxeiros se achegasen ao lugar.
