A Policía Local de Poio, con motivo das festas patronais de San Xoán, elaborou un dispositivo especial de tráfico no recinto da Seca onde se instalarán os postos da feira e as atraccións.
A partir do luns 19 de xuño habilitaranse novas alternativas para a saída e entrada dos autobuses escolares, así como para levar e recoller aos nenos do colexio Isidora Riestra.
Esta zona é a habitual de acceso ao centro educativo, polo que agora nenos e profesores deberán acudir ao recinto dando a volta ao campo de fútbol da Seca e en paralelo ao parque, xunto ao aparcadoiro de motocicletas e autocaravanas.
Os autobuses escolares terán o seu punto de chegada e partida nunha zona próxima ao campo da Reiboa.